نگراں وزیراعظم کے نام کا اعلان کردیا گیا ،انوار الحق کاکڑ نگراں وزیراعظم ہوں گے، انوار الحق کاکڑ کا تعلق بلوچستان سے ہیں۔
تفصیلات کے مطابق وزیراعظم شہبازشریف اوراپوزیشن لیڈرراجہ ریاض کی ملاقات ہوئی، جس میں نگراں وزیراعظم کیلئےناموں پرمشاورت کی گئی۔
ملاقات میں نگران وزیراعظم کی تقرری پرحتمی مشاورتی عمل خوش اسلوبی سے مکمل کرلیا گیا اور دونوں رہنماؤں نے نگراں وزیراعظم کیلئے انوار الحق کاکڑ کے نام پر اتفاق کیا۔
ذرائع کا کہنا ہے کہ انوار الحق کاکڑ نگراں وزیراعظم ہوں گے، ان کا تعلق بلوچستان سے ہیں۔
وزیراعظم اورقائد حزب اختلاف نے دستخط کرکے ایڈوائس صدرپاکستان کوبھجوا دی ہے جبکہ شہباز شریف نے مشاورتی عمل میں تعاون اور ان 16 ماہ میں بطور بہترین حزب اختلاف کی قیادت پر شکریہ اداکیا۔
اپوزیشن لیڈر نے میڈیا سے گفتگو کرتے ہوئے کہا کہ وزیراعظم سے نشست ہوئی،3 نام انہوں نےاور3نام میں نےدیے، آج کی نشست میں وزیراعظم اور میں نے اپنےاپنےساتھیوں سےمشورہ کیا اور اتفاق ہواکہ جوبھی وزیراعظم ہوچھوٹے صوبے سے ہو۔
راجہ ریاض کا کہنا تھا کہ انوار الحق کاکڑ کے نام پر اتفاق ہوا ہے، میرااپوزیشن لیڈرکاکردارختم ہوگیا ہے۔
یاد رہے گذشتہ روز وزیراعظم ہاؤس میں شہباز شریف نے اتحادی جماعتوں کے رہنماؤں سے مشاورت کی تھی ، اہم بیٹھک میں شریک رہنماؤں نے نگراں وزیراعظم چھوٹے صوبے سے مقرر کرنے کی تجویز دی تھی۔
