اسلام آباد پولیس کو پاکستان تحریک انصاف (پی ٹی آئی) کے چیئرمین عمران خان کی کل ہونے والی عدالت میں ممکنہ پیشی کی اطلاع نہیں ہے۔
اپنے آفیشل ٹوئٹر پر پیغام جاری کرتے ہوئے اسلام آباد پولیس نے کہا کہ عمران خان کی کل ممکنہ عدالت پیشی سے متعلق کوئی اطلاع نہیں ہے۔
کل عمران خان کی ممکنہ عدالت پیشی کے حوالے سے کوئی اطلاع نہیں ہے۔
اسلام آباد پولیس عدالتی احکامات کی روشنی میں ہی سیکیورٹی انتظامات کر ے گی۔
عدالتی احکامات کے مطابق عدالت کے احاطے میں صرف متعلقہ اشخاص کو داخلے کی اجازت دی جائے ہے۔⏬
— Islamabad Police (@ICT_Police) March 26, 2023
ترجمان پولیس کا کہنا ہے کہ اسلام آباد پولیس عدالتی احکامات کی روشنی میں ہی سیکیورٹی انتظامات کرے گی۔
پولیس کا کہنا ہے کہ عدالت کے احاطے میں صرف متعلقہ اشخاص کو داخلے کی اجازت دی جائے گی، پہلے کی طرح طرز عمل اپنایا تو پولیس بلا تفریق تمام قانونی طریقے بروئے کار لائے گی۔
ترجمان پولیس کا کہنا ہے کہ قانون کی مکمل عملداری برابری کی سطح پر عمل میں لائی جائے گی۔
