تازہ ترینتحریکخبریںسیاسیات

عمران خان حکومت کو بڑا سرپرائز دینے کو تیار

پی ٹی آئی کے چیئرمین عمران خان حکومت کو بڑا سرپرائز دینے کو تیار ہے ، حقیقی آزادی مارچ کا پڑاؤ فیض آباد میں ڈالنے کا قوی امکان ہے۔

تفصیلات کے مطابق پاکستان تحریک انصاف کے حکومت مخالف حقیقی آزادی مارچ کے معاملے پر عمران خان حکومت کو بڑا سرپرائز دینے کو تیار ہے۔

ذرائع نے بتایا ہے کہ حقیقی آزادی مارچ کا پڑاؤ کس جگہ ہوگا تعین کر لیا گیا، حقیقی آزادی مارچ کا پڑاؤ فیض آباد میں ڈالنے کا قوی امکان ہے۔

ذرائع کا کہنا ہے کہ زمان پارک میں حکومت کوٹف ٹائم دینے کے مشاورتی عمل میں تیزی آگئی ہے ، 2روز قبل عمران خان کی زیر صدارت اجلاس میں شاہ محمود،اسدعمر ودیگرشریک تھے۔

پی ٹی آئی کا مطالبات کی منظوری کے لیے مختلف آپشنز پر غور جاری ہے ، رہنماؤں نے تجویز دی ہے کہ راولپنڈی پہنچ کر مطالبات کی منظوری کے لیے حکومت کو ڈیڈ لائن دی جائے، جب تک حکومت قبل از وقت انتخابات کا اعلان نہیں کرتی دھرنا دیا جائے۔

رہنماؤں کا کہنا ہے کہ حکومت قبل از وقت انتخابات کا اعلان نہیں کرتی تو اسلام آباد کی جانب بڑھا جائے۔

ذرائع کے مطابق پارٹی رہنماؤں کی گزشتہ اجلاس کی تجاویز پر آج مزید مشاورت ہوگی، کل عمران خان پارٹی رہنماؤں کی تجاویز پر اہم اعلان کریں گے۔

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Back to top button