لاہور (سٹاف رپورٹر) پنجاب میں وسیع پیمانے پر بیوروکریسی میں تقرر و تبادلے کردیئے گئے ہیں،متعدد افسران کورس پر روانہ ۔ محمد تنویر جبار کو ممبر وزیراعلیٰ پنجاب انسپکشن ٹیم تعینات کر دیا گیا۔
فیصل ظہور کو سیکرٹری محکمہ زراعت جنوبی پنجاب تعینات کیا گیاہے۔ اسی طرح سیکرٹری لوکل گورنمنٹ جنوبی پنجاب کنور اعجاز خالق کو سیکرٹری محکمہ انہار جنوبی پنجاب ۔ الطاف بلوچ کو سیکرٹری محکمہ لوکل گورنمنٹ جنوبی پنجاب ۔ غلام صغیر شاہد کو سیکرٹری محکمہ سپیشلائزڈ ہیلتھ کیئر جنوبی پنجاب۔ سیکرٹری محکمہ ہائر ایجوکیشن واصف خورشید کو سیکرٹری محکمہ خزانہ ۔ احمد رضا سرور کو سیکرٹری محکمہ ہائر ایجوکیشن ۔ شاہد زمان کو سیکرٹری محکمہ جنگلات۔ سیکرٹری محکمہ سوشل ویلفیئر بیت المال احمد مستجب کرامت کو سیکرٹری ہاوسنگ۔ سیکرٹری محکمہ سیاحت احسان بھٹہ کو سیکرٹری محکمہ سپورٹس۔ عثمان علی خان کو سیکرٹری محکمہ انوائرمنٹ پروٹیکشن۔ سپیشل سیکرٹری محکمہ سکول ایجوکیشن ظہیر حسن کو سیکرٹری محکمہ پنجاب مینجمنٹ اینڈ پروفیشنل ڈویلپمنٹ ۔ آسیہ گل کو سیکرٹری محکمہ سیاحت اور محمد زمان وٹو کو سیکرٹری محکمہ پنجاب پبلک پراسیکشن تعینات کیاگیا ہے۔
نوٹیفکیشن کے مطابق سیکرٹری محکمہ زراعت جنوبی پنجاب ثاقب علی اطیل۔ سیکرٹری محکمہ جنگلات کیپٹن (ر) ظفر اقبال۔ سیکرٹری محکمہ ہاوسنگ شکیل احمد میاں۔ سیکرٹری محکمہ سپورٹس علی جان خان ۔ سیکرٹری محکمہ انوائرمنٹ پروٹیکشن ڈاکٹر نعیم روف اور سیکرٹری محکمہ پنجاب مینجمنٹ اینڈ پروفیشنل ڈویلپمنٹ ڈاکٹر ناصر اقبال ملک کورس کے لیے روانہ ہوگئے ہیں۔
