پاکستان تحریک انصاف کے چیئرمین اور سابق وزیر اعظم عمران خان کا کہنا ہے کہ کل گوجرانوالہ کے جلسے میں اگلے لائحہ عمل کا اعلان کروں گا۔
عمران خان نے اپنے آفیشل اکاؤنٹ سے ٹوئٹ کی کہ گوجرانوالہ میں کل ہمارا جلسہ حقیقی آزادی تحریک کے پہلے فیز کا آخری جلسہ ہوگا۔
انہوں نے لکھا کہ امپورٹڈ حکومت خوفزدہ ہے کہ قوم پی ٹی آئی کے ساتھ کھڑی ہے، یہ لوگ پریشانی کے عالم میں مائنس ون فارمولے کی جانب جا رہے ہیں۔
Tomorrow our Gujranwala jalsa will be last of our present phase of Haqiqi Azadi Movement. I will announce the next critical phase at the jalsa. Imported govt & its handlers are so petrified that nation is standing firmly behind PTI they are desperately
moving on Minus 1 formula— Imran Khan (@ImranKhanPTI) September 9, 2022
قبل ازیں چیئرمین پی ٹی آئی کی زیرِ صدارت پارٹی کی سیاسی کمیٹی کا اجلاس ہوا جس میں عمران خان نے کہا کہ 13 جماعتیں ایک جماعت سے ڈر کر الیکشن سے بھاگ گئیں، عوامی حمایت ہماری سب سے بڑی طاقت ہے ہم حکومتی ہتھکنڈوں کا میدان میں مقابلہ کررہے ہیں۔
سابق وزیراعظم نے کہا کہ میری تحریک کا مقصد ملک کے مافیاز کو شکست دینا ہے، عام شہری حقیقی آزادی کی تحریک میں شامل ہوچکا ہے۔