“پاکستان میں ہر سال خواتین فٹبال کا سال ہوگا” ،محسن گیلانی
لاہور (سپورٹس رپورٹر)
پاکستان فٹبال فیڈریشن (پی ایف ایف) نے جمعہ کو خواتین فٹبال کی ترقی کے لیے اپنے عزم کا اعادہ کیا، جب پی ایف ایف صدر سید محسن گیلانی نے اسلام آباد میں منعقد ہونے والے پہلے پی ایف ایف ویمنز فٹبال سمپوزیم میں اعلان کیا کہ “پاکستان میں ہر سال خواتین فٹبال کا سال ہوگا۔”
فٹبال اور ترقیاتی شعبوں کے اسٹیک ہولڈرز کو یکجا کرتے ہوئے، اس سمپوزیم نے پاکستان میں خواتین کے کھیل کو مضبوط بنانے کے حوالے سے خیالات کے تبادلے کا موقع فراہم کیا، اور نومنتخب پی ایف ایف انتظامیہ کی قیادت میں مستقبل کی ترقی کے لیے ایک اسٹریٹجک روڈ میپ پیش کیا گیا۔
