لاہور۔ پاکستان بمقابلہ آسٹریلیا پہلا ٹی ٹوئنٹی میچ

لاہور(سپورٹس رپورٹر)لاہور میں انٹرنیشنل ٹی ٹوینٹی کا میلہ سج گیا ، پہلے ٹی ٹوئنٹی میں پاکستان کا فاتحانہ آغاز، آسٹریلیا کو 22 رنز سے شکست دیدی۔
۔صائم ایوب 40 رنز بناکر نمایاں بلے باز رہے جبکہ کپتان سلمان علی آغا نے 39 اور بابر اعظم نے اپنے 100ویں میچ میں 24 رنز کی اننگز کھیلی
پاکستان نے سیریز کے پہلے ٹی 20 میچ میں آسٹریلیا کو 22 رنز سے شکست دے کر فاتحانہ آغاز کردیا۔تفصیلات کے مطابق پاکستان اور آسٹریلیا کی ٹیموں کے درمیان ٹی 20 سیریز کا پہلا میچ لاہور کے قذافی اسٹیڈیم میں کھیلا گیا، جس میں کپتان سلمان آغا نے ٹاس جیت پر پہلے بیٹنگ کا فیصلہ کیا۔

پاکستان نے مقررہ 20 اوورز میں آسٹریلیا کو جیت کیلیے 169 رنز کا ہدف دیا جس کے تعاقب میں آسٹریلیا کی بیٹنگ لائن بری طرح سے ناکام رہی۔
قذافی سٹیڈیم میں کھیلے گئے افتتاحی میچ میںپاکستان ٹیم نے پہلی ہی گیند پر وکٹ گنوانے کے باوجود جارحانہ انداز اپنایا اور ابتدائی 10 اوورز میں پاکستان نے 3 وکٹوں کے نقصان پر 92 رنز بنائے۔صائم ایوب 40، کپتان سلمان علی آغا 39 اور صاحبزادہ فرحان بغیر کوئی رن بنائے آؤٹ ہوئے۔ اس کے علاوہ بابر اعظم نے 24 رنز کی اننگز کھیلی۔اسٹریلیا کی جانب سے ایڈم زیمپا نے 4، زیویئر بارٹلیٹ اور ماہل بریڈ مین نے 2، 2 کھلاڑیوں کو شکار بنایا۔
اپنی اننگز کے جواب میں پاکستان کی جانب سے دیے گئے 169 رنز ہدف کے تعاقب میں آسٹریلیا کی بیٹنگ لائن بری طرح سے ناکام رہی اور صرف 80 کے مجموعی اسکور پر 5 کھلاڑی آؤٹ ہوئے۔
آسٹریلیا کی پہلی وکٹ 21، دوسری 28 پر گری جس کے بعد بلے بازوں نے سنبھل کر بیٹنگ کی تو 68 رنز پر میتھ رنشا رن آؤٹ ہوگئے۔ پھر 68 رنز پر ہی کونولی آؤٹ ہوئے۔ اس کے بعد 80 کے مجموعی اسکور پر مچل اون بھی رن آؤٹ ہوئے۔ہدف کے تعاقب میں آسٹریلوی ٹیم مقررہ 20 اوورز میں 8 وکٹوں کے نقصان پر 146 رنز تک محدود رہی۔ صائم ایوب اور ابرار احمد نے 2، 2 جبکہ شاداب خان اور محمد نواز نے ایک ایک وکٹ حاصل کی