ایشیا کپ میں پاکستان اور بھارت کے درمیان ہونے والے میچ میں ایک پاکستانی مداح کی سٹیڈیم سے تصویر مقبول ہوئی جس کے بھارت میں بھی چرچے ہیں۔
If an Indian did this for a Pakistani player, it would be targeted as sedition. https://t.co/5LhDgq4QNp
— Angellica Aribam (@AngellicAribam) September 4, 2022
سوشل میڈیا پر وائرل تصویر میں دیکھا جاسکتا ہے کہ بھارتی کرکٹر ویرات کوہلی کی ایک پاکستانی مداح دبئی کرکٹ سٹیڈیم میں پلے کارڈ اٹھائے کھڑی ہے جس پر درج ہے کہ ‘میں یہاں صرف کوہلی کی وجہ سے آئی ہوں’۔
کوہلی کی اس پاکستانی مداح کے حوالے سے جہاں دیگر سوشل میڈیا صارفین تبصرے کررہے ہیں وہیں بھارتی سیاسی جماعت کانگریس کے طلبا ونگ کی سابقہ سیکرٹری اور سماجی کارکن انجیلیکا اریبم نے بھی اس پر ردعمل دیا ہے۔
انجیلیکا اریبم نےاس تصویر کو ری ٹوئٹ کرتے ہوئے کہا کہ ‘اگر کسی ہندوستانی نے پاکستانی کھلاڑی کے لیے ایسا پلے کارڈ اٹھایا ہوتا تو اس پر بغاوت کا الزام لگاکر تنقید کا نشانہ بنایا جاتا’۔
