سعودی حکام نے آٹے کے گودام سے 4 کروڑ 70 لاکھ نشہ آور گولیاں برآمد کرلیں، اس آپریشن کو ملک میں منشیات سمگلنگ کو ناکام بنانے کا سب سے بڑا آپریشن بتایا جا رہا ہے۔
سعودی عرب کی وزارت داخلہ نے کہا ہے کہ نشہ آور ادویات ایک گودام سے برآمد کی گئیں جو ریاض میں واقع ڈرائی پورٹ سے گودام منتقل کی گئی تھیں۔
جنرل ڈائریکٹوریٹ آف نارکوٹکس کنٹرول کے ترجمان نے بتایا کہ منشیات سمگلنگ کے الزام میں 8 افراد کو گرفتار کیا گیا ہے۔
نارکوٹکس کنٹرول نے منشیات کی کھیپ کو ٹریک کیا اور گودام پر چھاپہ مار کر نشہ آور گولیاں برآمد کیں۔
