آپ سب کو پاکستان کا 78 واں یوم آزادی مبارک ہو !
رات سوئی پر 12 بجتے ہی ملک بھر کے مختلف شہروں اور علاقوں میں جشن آزادی پورے جوش و خروش سے منایا گیا ۔
کراچی، لاہور، اسلام آباد، پشاور، کوئٹہ اور ملتان سمیت ملک کے کونے کونے میں چراغاں اور آتش بازی کا مظاہرہ کیا گیا۔
یوم آزادی منانے شہری اپنی فیملیز کے ہمراہ سڑکوں پرنکل آئے۔
لاہور میں دن کےآغاز پر 21 توپوں کی سلامی دی گئی اور نماز فجر میں ملکی ترقی، یکجہتی،امن اور خوشحالی کے لیے خصوصی دعائیں بھی کی گئیں۔
کوئٹہ میں بھی یوم آزادی کے موقع پر دن کےآغاز پر کینٹ میں 21 توپوں کی سلامی دی گئی ۔
بدھ کو جناح اسپورٹس کمپلیکس اسلام آباد میں یومِ آزادی اورمعرکہ حق کی فتح کی تقریب منعقد کی گئی۔
تقریب میں صدر مملکت آصف علی زرداری، وزیرِاعظم شہباز شریف اور تینوں مسلح افواج کے سربراہان شریک ہوئے ۔
