خاتون کھلاڑی کا زبردستی بوسہ لینے پر سابق فٹبال سربراہ پر جرمانہ عائد

اسپین کی عدالت نے سابق فٹ بال سربراہ لوئس روبیالیس کو خاتون کھلاڑی جینی ہرموسو کو زبردستی بوسہ دینے پر جنسی حملے کا مجرم قرار دیتے ہوئے جرمانہ عائد کر دیا تاہم انہیں جبر کے الزام سے بری کر دیا گیا۔

غیر ملکی خبر رساں ادارے ’اے ایف پی‘ کے مطابق استغاثہ نے لوئس روبیالیس کو جنسی حملہ کرنے پر ڈھائی سال اور زبردستی کرنے پر 18 ماہ کی سزا دینے کا مطالبہ کیا تھا۔

اسپین کی ہائی کورٹ کے جج نے لوئس روبیالیس کو بوسہ دینے پر جنسی زیادتی کا مجرم قرار دے دیا اور اس پر 10 ہزار 800 یورو (11 ہزار 300 ڈالر) جرمانہ عائد کیا، تاہم قید کی سزا نہیں دی گئی۔

لوئس روبیالیس پر یہ پابندی بھی عائد کی گئی ہے کہ وہ جینی ہرموسوکے 200 میٹر کے دائرے میں آنے اور ایک سال تک اس کے ساتھ بات چیت نہ کرے۔

ورلڈ کپ 2023 جیتنے کے بعد اسپین فٹبال فیڈریشن کے سربراہ لوئس روبیالیس نے اسپین کی خاتون فٹبالر جینی ہرموسو کے ہونٹوں پر بوسہ دیا تھا جس پر انہیں شدید تنقید کا سامنا کرنا پڑا تھا