ورلڈ کپ کے سترہویں میچ میں بنگلا دیش نے بھارت کے خلاف ٹاس جیت کر پہلے بیٹنگ کرنے کا فیصلہ کیا ہے۔
بنگلا دیش کی جانب سے تنزید حسن اور لٹن داس نے اننگ کا آغاز کیا اور 93 رنز کی پارٹنرشپ قائم کی جس کے بعد بنگلا دیش کی پہلی وکٹ 14.4 اوورز میں گری۔
بنگلا دیش کی دوسری وکٹ 110 جبکہ تیسری 129 اور چوتھی وکٹ 27.4 اوورز میں 137 رنز پر گری۔
آج کا یہ میچ پونے میں کھیلا جا رہا ہے جس میں بھارتی ٹیم کی قیادت روہت شرما اور بنگلا دیش ٹیم کی قیادت نجم الحسن شانتو کر رہے ہیں۔
دونوں ٹیمیں اب تک اس ورلڈ کپ میں تین، تین میچز کھیل چکی ہیں، بھارت نے اپنے تینوں میچ جیتے ہیں جبکہ بنگلا دیش نے ایک میچ جیتا ہے۔
