فیفا ورلڈ کپ میں مراکش کی سپین کے خلاف تاریخی فتح پر غزہ میں بھی شاندار انداز میں جشن منایا گیا۔
ایونٹ کے پری کوارٹر فائنل میں سنسنی خیز مقابلے کے بعد مراکش نے سپین کو شکست دے کر ورلڈ کپ کے کوارٹر فائنل کے لیے کوالیفائی کر لیا ہے۔
اس تاریخی موقع پر مراکش کے کھلاڑی اسرائیلی فوج کے جبر میں زندگی گزارنے والے اپنے فلسطینی بھائیوں کو نہیں بھولے اور فٹبال گراؤنڈ میں فلسطینی پرچم لہرا کر یکجہتی کا اظہار کیا۔
دوسری جانب، فلسطین میں بھی مراکش کی فٹبال ورلڈ کپ میں اس تاریخی کامیابی کا مراکش کے جھنڈے لہرا کر شاندار انداز میں جشن منایا۔ فلسطین کے شہرغزہ اور مقبوضہ یروشیلم سے مختلف ویڈیوز اور تصاویر سوشل میڈیا پر وائرل ہورہی ہیں ۔
واضح رہے کہ دوحا کے ایجوکیشن سٹی سٹیڈیم میں کھیلے گئے ایونٹ کے ساتویں پری کوارٹر فائنل میں مراکش نے سپین کو پینلٹی شوٹ آؤٹ پر شکست دی۔
مراکش نے سپین کو پینلٹی ککس پر 0-3 سے شکست دے کر ایونٹ سے باہر کردیا اور کوارٹر فائنل میں جگہ بنالی۔
