میانمار کی ریاست کاچن میں سرکاری فضائیہ کے حملے میں 80 افراد ہلاک ہوگئے۔
Some prominent singers/artists said to have been killed/injured in #Myanmar #military air attacks aimed at #Hpakant, Kachin. #Kachin Independence Army has upped its clashes with military since Feb 2021 #coup. #KIA had rejected army's offer of peace talks #WhatsHappeningInMyanmar pic.twitter.com/5ZVKeciA1P
— May Wong (@MayWongCNA) October 24, 2022
غیر ملکی میڈیا کے مطابق یہ واقعہ اتوار کی شب اس وقت پیش آیا جب سیکڑوں افراد کاچن انڈیپینڈنس آرگنائزیشن کے قیام کا جشن منانے کیلئے جمع تھے۔
کاچن انتظامیہ کی جانب سے خبر رساں ادارے کو بتایا گیا کہ فوج نے جنگی جہاز سے 4 بم گرائے جس سے 80 افراد ہلاک اور 100 کے قریب زخمی ہوئے۔ سرکاری فورسز نے زخمیوں کو ہسپتال لے جانے کے لیے تمام راستے بھی بند کر رکھے ہیں۔
غیر ملکی میڈیا کے مطابق انسانی حقوق کی تنظیموں نے میانمار کے حکمرانوں پر جنگی قوانین کی خلاف ورزی کا الزام عائدکرتے ہوئے عالمی برادری سے مطالبہ کیا کہ وہ میانمار کی فوج کو ہتھیاروں اور جہازوں کے لیے ایندھن کی فراہمی کو روکا جائے۔
دوسری جانب میانمار کی فوجی حکومت نے حملے کی تصدیق کرتے ہوئے کہا کہ کاچن گروپ پر دہشتگردی کے پیش نظر فضائی حملے کیے گئے تاہم اس حملے میں عام شہریوں کی ہلاکت کی خبروں میں کوئی صداقت نہیں۔
