تحریک انصاف کے رہنما فواد چوہدری نے شہباز شریف اور حمزہ شہباز کی بریت کے عدالتی فیصلے پر ردعمل دیا ہے۔
24 ارب روپے کی منی لانڈرنگ شہباز شریف اورحمزہ شریف کے سر پرُواری، عدالتی نظام کے عوام کے منہ پر ایک اور طمانچہ 14 ہزاراکاؤنٹس پر عرق ریزمحنت کے اور فُول پروف مقدمہ یہ پاکستان کے لوگوں کے پیسے ہیں ایک طرف سیلاب زدگان کیلئے پیسے مانگ رہے ہیں دوسری طرف ایک خاندان اربوں روپے کھا گیا
— Ch Fawad Hussain (@fawadchaudhry) October 12, 2022
سوشل میڈیا پر فواد چوہدری نے اپنے بیان میں کہا کہ 24 ارب روپے کی منی لانڈرنگ شہباز شریف اور حمزہ شہباز کے سر پر وار دی گئی ۔ شہباز شریف اور حمزہ شہباز کی بریت عدالتی نظام اور عوام کے منہ پر طمانچہ ہے۔
پی ٹی آئی رہنما نے کہا کہ 14 ہزار اکاؤنٹس کی عرق ریزمحنت اور فول پروف مقدمے پر پاکستان کے لوگوں کے پیسے لگے ہوئے ہیں ایک طرف سیلاب زدگان کے لیے پیسے مانگ رہے ہیں تو دوسری طرف ایک خاندان اربوں روپے کھا گیا ہے۔
