تازہ ترینخبریںپاکستان سے

ہائیکورٹ کا غیر معمولی اقدام، مقدمات کی سماعت کو براہ راست دیکھا جاسکے گا

 پاکستان کی عدالتی تاریخ میں اسلام آباد ہائیکورٹ نے غیر معمولی قدم اٹھاتے ہوئے مقدمات کی لائیو اسٹریمنگ کا فیصلہ کیا ہے۔

تفصیلات کے مطابق چیف جسٹس اطہر من اللہ کی عدالت میں عدالتی کارروائی کی لائیو اسٹریمنگ کا فیصلہ کیا گیا ہے، ہائیکورٹ کے آئی ٹی ڈپارٹمنٹ نےچیف جسٹس کی عدالت میں سسٹم نصب کر دیا۔

ٹرائل کے طور پر آج سے عدالتی کارروائی کو محدود پیمانے پر براہ راست دکھایا جائے گا، ٹرائل کی کامیابی کے بعد ویب سائٹ پر کوئی بھی براہ راست عدالتی کارروائی دیکھ سکے گا۔

اسلام آباد ہائیکورٹ کے فیصلے پر سابق وفاقی وزیر اور پاکستان تحریک انصاف کے رہنما فواد چوہدری نے سماجی رابطے کی ویب سائٹ ٹویٹر پر کہا کہ ہائیکورٹ کا مقدمات کو براہ راست دکھانے فیصلہ درست ہے۔

فواد چوہدری کا کہنا تھا کہ ایف آئی اے کورٹ بھی اسلام آباد ہائیکورٹ کی تقلید کرے اور شہباز شریف کے منی لانڈرنگ کیس کو براہ راست دکھایا جائے، ان کی ضمانت کی تاریخ آنے والی ہے اس پر ہی اس فیصلے پر عملدرآمد ہونا چاہیئے۔

 

جواب دیں

آپ کا ای میل ایڈریس شائع نہیں کیا جائے گا۔

Back to top button