آسٹریلوی کرکٹراسٹیو اسمتھ پاکستانی کھانوں کے دیوانے ہوگئے

آسٹریلوی کھلاڑی اور ٹیسٹ اسکواڈ کے نائب کپتان اسٹیو اسمتھ پاکستانی کھانوں کے مداح نکل آئے،انہیں پاکستانی بریانی اورباربی کیو کافی پسند ہے.
پاکستان کے دورے پر موجود آسٹریلو کرکٹر اسٹیو اسمتھ کا کہنا ہے کہ پاکستان آ کر اردو تو نہیں سیکھ سکا لیکن بریانی کے بارے میں جاننے کا موقع ملا۔ انہوں نے بتایا کہ ان کے سمیت کئی آسٹریلوی کرکٹرز اپنے کمروں میں بھی بریانی منگوا کر کھاتے رہے ہیں۔
اس سےقبل ویڈیو شیئرنگ ایپ انسٹاگرام پراسٹیواسمتھ پاکستانی کھانوں کی ایک ویڈیو شیئر کر چکے ہیں۔ جس میں انہوں نے اسلام آباد کے ایک ہوٹل میں باربی کیو بنتے ہوئے دکھایا تھا۔
قبل ازیں آن لائن پریس کانفرنس کرتے ہوئے اسٹیو اسمتھ کا کہنا تھا کہ ہماری آمد کے بعد سے پاکستان کی مہمان نوازی ناقابل یقین رہی ہے۔
انہیں پاکستانی باربی کیو کافی پسند ہے جبکہ انہوں نے ڈنر میں باربی کیو کے ٹیسٹ سے خوب لطف اٹھایا تھا۔ پاکستان میں ہمیں ہر قسم کے باربی کیو کے ساتھ ڈنر پیش کیا گیا جو واقعتاً بہت لذید اور ذائقہ دار تھا۔