پٹرول مہنگا ہو تو آپ پمپ ملازمین کو تو نہیں مارتے، تاجروں سے پٹنے والے کے الیکٹرک ملازم کی دہائی

تاجروں کے ہاتھوں پٹنے والے کے الیکٹرک ملازم نے دہائی دیتے ہوئے کہا کہ پٹرول مہنگا ہو تو پمپ ملازمین کو تو نہیں مارتے۔

تفصیلات کے مطابق کراچی میں تاجروں کے ہاتھوں پٹنے والے کے الیکٹرک ملازم کا موقف سامنے آگیا، ملازم نے بتایا کہ جس دن مجھے مار پڑی میرے بچے بہت روئے، ہم نے رات کا کھانا بھی نہیں کھایا۔

کے الیکٹرک ملازم کا کہنا تھا کہ جتنا بل آپ کو آتا ہے اتنا مجھے بھی آتا ہے، میں بھی اتنا ہی پریشان ہوں۔

ملازم نے دہائی دی کہ پیٹرول مہنگا ہو تو آپ پیٹرول پمپ کے ملازمین کو تو نہیں مارتے۔

یاد رہے کراچی کی ٹمبر مارکیٹ میں کے الیکٹرک کا عملہ میٹراتار نے پہنچا تو تاجروں کامیٹرشارٹ ہوگیا، عملے کو گلے سے پکڑ کرتاجروں نے تھپڑوں لاتوں اورگھونسوں کےجھٹکےدے ڈالے اور عملہ یرغمال بنالیا۔

چیئرمین آل سٹی تاجراتحادشرجیل گوپلانی نے الزام لگایا کے الیکٹرک کےعملے نے بدمعاشی کی تھی