آئی سی سی کی جانب سے جاری کردہ نئی ون ڈے رینکنگ میں قومی ٹیم کے کپتان بابر اعظم کی بادشاہت کو 847 دن مکمل ہوگئے ہیں ۔ ناتجربہ کار جوڑی شبمن گل اور ایشان کشن حال ہی میں ویسٹ انڈیز کے خلاف ون ڈے سیریز کی فتح کے دوران بلے بازی کے ساتھ ہندوستان کے سب سے نمایاں کارکردگی کا مظاہرہ کرنے والوں میں شامل تھے، اس جوڑی نے ٹاپ آرڈر بیٹنگ کے شاندار مظاہرہ میں تین میچوں میں 310 رنز بنائے۔
دونوں کھلاڑیوں کو آئی سی سی کی جانب سے بدھ کو اپ ڈیٹ کی گئی بلے بازوں کی رینکنگ کی فہرست میں کیریئر کی نئی اعلیٰ درجہ بندیوں سے نوازا گیا، گل دو درجے بہتری کے ساتھ مجموعی طور پر پانچویں نمبر پر آ گئے ہیں ۔ پاکستان کے کپتان بابر اعظم ون ڈے کی بلے بازوں کی رینکنگ میں 886 پوائنٹس کے ساتھ سب سے آگے ہیں، شبمان گل ویسٹ انڈیز کے خلاف شاندار سیریز کے بعد 743 ریٹنگ پوائنٹس پر پہنچ گئے ہیں اور تیسرے نمبر پر موجود فخر زمان (755) اور چوتھی پوزیشن پر براجمان امام الحق (745) کی پوزیشن چھیننے پر نظریں جما لی ہیں۔
ایشان کشن بھی مجموعی طور پر 9 درجے ترقی پاکر 36 ویں نمبر پر کیریئر کی نئی بہترین ریٹنگ حاصل کرچکے ہیں جبکہ تجربہ کار آل راؤنڈر ہاردک پانڈیا 10 مقامات کی بہتری کے ساتھ 71 ویں نمبر پر ہیں۔ ہاردک پانڈیا ون ڈے آل راؤنڈرز کی فہرست میں مجموعی طور پر پانچ مقام بڑھ کر 11 ویں نمبر پر پہنچ گئے، بائیں ہاتھ کے اسپنر کلدیپ یادو 4 درجے کی چھلانگ لگا کر 10ویں نمبر پر آ گئے جب کہ شاردل ٹھاکر 3 درجے بہتری سے 30 ویں نمبر پر پہنچ گئے۔
ویسٹ انڈیز پاور ہٹر نکولس پوران (چھ درجے ترقی کرکے 14 ویں پر) اور روومین پاول (17 درجے ترقی کرکے 32 ویں نمبر پر) ٹی ٹونٹی بیٹرز کی درجہ بندی میں سب سے زیادہ فائدہ اٹھانے والے کھلاڑی تھے، تیز گیند باز الزاری جوزف (19 درجے ترقی کرکے 13 ویں نمبر پر) اور سپنر اکیل ہوسین (6 درجے ترقی کے بعد 14واں نمبر پر) نے بھی ترقی پائی ہے۔ ہندوستان کے نئے آنے والے کھلاڑی تلک ورما بلے بازوں کی درجہ بندی میں 46 ویں نمبر پر داخل ہوئے اور کلدیپ باولرز کی فہرست میں (87ویں سے 51 واں نمبر) ترقی پانے والے کھلاڑی رہے۔
