پیڑولیم مصنوعات کی قیمتوں میں بڑے اضافے کے بعد ن لیگی رہنما مریم اورنگزیب تنقید کی زد میں آچکی ہیں ۔
سوشل میڈیا پر مریم اورنگزیب کی ایک ویڈیو زیر گردش ہے جس پر سوشل صارفین مریم اورنگزیب کو تنقید کا نشانہ بنا رہے ہیں ۔
گردشی ویڈیو تحریکِ انصاف کی حکومت کی ہے جب اس وقت کی حکومت کی جانب سے پیڑول کی قیمت میں 12 روپے کا اضافہ کیا گیا تھا ۔
ویڈیو میں مریم اورنگزیب کو یہ کہتے ہوئے سنا جا سکتا ہے کہ ” تمھیں رات کے اندھیرے میں 12 روپے پیڑول بڑھاتے ہوئے شرم نہیں آئی ؟ دل نہیں ہلا ؟ پاکستان کی عوام روٹی نہیں کھا سکتی ، دوائی نہیں خرید سکتی ، اور 12 روپے پیڑول بڑھا دیا
واضح رہے کہ گزشتہ روز وزیر خزانہ اسحاق ڈار نے نیوز کانفرنس کرتے ہوئے پیٹرولیم مصنوعات کی قیمتوں کا اعلان کیا تھا ۔
وزیر خزانہ خزانہ کے مطابق ہائی اسپیڈ ڈیزل 19 روپے 90 پیسے مہنگا کیا ، جس کے بعد ہائی اسپیڈ ڈیزل کی نئی قیمت 273 روپے 40 پیسے ہوگی ۔ انہوں نے کہا کہ پیٹرول کی قیمت میں 19 روپے 95 پیسے اضافہ کیا، جس کے بعد پیٹرول کی نئی قیمت 272 روپے 95 پیسے ہوگئی ہے.
