مراکش کی خاتون فٹبالر نوحیلا بنزینا نے نئی تاریخ رقم کردی اور وہ ورلڈ کپ میں حجاب پہن کر شرکت کرنے والی دنیا کی پہلی فٹبالر بن گئیں۔
خبر رساں ادارے گارجین کی رپورٹ کے مطابق مراکش کو ورلڈ کپ میں اپنے ابتدائی میچ میں جرمنی کے ہاتھوں 0-6 کی بدترین ناکامی کا منہ دیکھنا پڑا تھا لیکن اس میچ میں ڈیفنڈر نوحیلا کی صلاحیتوں کو نہیں آزمایا گیا تھا۔
تاہم ایڈیلیڈ میں جنوبی کوریا کے خلاف میچ میں منیجر رینالڈ پیڈروس نے 25سالہ فٹبالر کو میدان میں اتارنے کا فیصلہ کیا اور یوں نوحیلا اسکارف پہن کر ورلڈ کپ میچ میں شرکت کرنے والی دنیا کی پہلی خاتون فٹبالر بن گئیں۔
