پاکستان نے بیرون ملک سے آنے والے مسافروں کی کورونا اسکریننگ دوبارہ سخت کرنے کا فیصلہ کیا ہے۔
وزارت نیشنل ہیلتھ سروسز کے مطابق دوبارہ اسکریننگ سخت کرنے کا فیصلہ دنیا بھر میں کورونا وبا کے دوبارہ پھیلاؤ کے تناظر میں کیا گیا ہے جس کے لیے تمام ایئرپورٹس کو مراسلہ بھی بھجوا دیا گیا ہے۔
مراسلے میں جاری کردہ ہدایت کے مطابق بیرون ملک سے آنے والے مسافروں کی اسکریننگ دوبارہ سخت کی جائے اور تمام ایئرپورٹس پر بیرون ملک سے آنے والے مسافروں کی سخت نگرانی کی جائے۔
مراسلے میں کے مطابق ایئرپورٹ ہیلتھ سروس کا عملہ فوری طور پر مشتبہ بیمار فرد کا آر اے ٹی ٹیسٹ کرئے گا اور ہر فلائٹ کے 2 فیصد مسافروں کی ہر صورت اسکریننگ کی جائے۔
مراسلے میں ان احکامات پر فوری عملدر آمد کو یقینی بناتے ہوئے مزید کہا گیا ہے کہ مسافر کی مزاحمت پر سول ایوی ایشن کا عملہ اور ایئرپورٹ سکیورٹی فورس معاونت کرے۔
