دنیا
غزہ: اسرائیل کی ہلال احمر کے اسکول پر بمباری، 28 فلسطینی شہید
غزہ میں اسرائیلی دہشت گردی 369ویں روز بھی جاری ہے اور ہلال احمر کے اسکول پر اسرائیلی فضائیہ کے تازہ حملے میں خواتین اور بچوں سمیت 28 فلسطینی شہید ہوگئے۔
خبر رساں ایجنسی ’اے ایف پی‘ طبی عملے کے مطابق اسرائیلی فوج نے شمالی غزہ میں تینوں ہسپتال خالی کرنے کا حکم دیتے ہوئے مریضوں کی زندگیوں کو خطرے سے دوچار کردیا ہے۔
اسرائیلی فضائیہ نے جمعرات کو شمالی غزہ کے شہر دیر البلاح میں قائم ہلال احمر کے اسکول کو نشانہ بنایا جہاں خواتین اور بچوں سمیت بے گھر افراد کی بڑی تعداد پناہ گزین تھی۔
