دفاعی ماہرین نے جمعہ کو مستونگ میں مسجد خالد کے قریب عید میلاد کے جلوس پر خود کُش دھماکہ کو اسلام اور ملک دشمن عناصر کی طرف سے حملہ قرار دیا ہے۔ عید میلادالنبی ﷺکے مقدس موقع پر معصوم اور نہتے مسلمانوں کو نشانہ بنانے والے نہ تو مسلمان ہو سکتے ہیں اور نا ہی پاکستانی۔ انہوں نے کہا کہ ہمارا ازلی دشمن جو ہر وقت پاکستان کو نقصان پہنچانے کے درپے رہتا ہے ایسے دہشت گردی کے واقعات کروا کر ہماری اور دنیا کی توجہ اپنے اندرونی اور بیرونی مسائل سے ہٹانا چاہتا ہے۔ دفاعی ماہرین نے کہا کہ حال میں ہی کینیڈا میں سکھوں کو قتل کرنے میں بھارتی حکومت براہ راست ملوث پائی گئی جس کی وجہ سے وہ دنیا میں ایک دہشت گرد سٹیٹ کہلائے جا رہے ہیں اور انتہائی پریشر میں ہیں ۔ انہوں نے مزید کہا کہ اِس بات کو نظر انداز نہیں کیا جا سکتا کے ٹی ٹی پی، داعش وغیرہ کو ڈالرز دے کر پاکستان میں بد امنی پھیلائی جائے جیسا کے پہلے بھی انڈیا متعدد بار ایسے گھٹیا حربے استعمال کر چکا ہے۔دفاعی ماہرین نے کہا کہ بلوچستان کے اندر دہشت گردی کروانے کے نا قابل تردید ثبوت پاکستان پہلے بھی دنیا کو دیکھا چکا ہے ، کلبوشن یادیو رنگے ہاتھوں بلوچستان میں دہشت گردی کرتے ہوئے پکڑا جا چکا ہے۔ انہوں نے کہا کہ ہمیں یاد رکھنا چاہیے کہ ٹی ٹی پی، داعش اور بلوچ دہشت گرد دشمن کے آلا کار ہیں اور افغانستان سے آپریٹ کرتے ہیں اور ڈالرز کے لئے کسی بھی طرح کا مذموم کام جو انکا مقصد بھی سپورٹ کرتا ہے کرنے کہ لئے کوئی موقع ہاتھ سے نہیں جانے دیتے ۔ دفاعی ماہرین نے کہا کہ ہمیں اس بات میں ہمیں کوئی شک نہیں ہونا چاہیے کے یہ اسلام اور پاکستان دشمن کارروائیوں کے پیچھے ہمارا ازلی دشمن بِلا یا بل واسطہ بروئے کار ہے۔
