توشہ خانہ کیس قابل سماعت قرار دینے کے خلاف اپیل پر سماعت کا تحریری حکمنامہ جاری کردیا گیا، متعلقہ درخواستوں کو یکجا کر کے سماعت کے لیے مقررکرنے کا حکم دیا گیا ہے۔
اسلام آباد ہائیکورٹ نے توشہ خانہ کیس قابل سماعت قرار دینے کے خلاف اپیل پر سماعت کا تحریری حکمنامہ جاری کردیا ہے، چیئرمین پی ٹی آئی کی اپیل پر27 جولائی کی سماعت کا حکمنامہ جاری کیا گیا۔
اسلام آباد ہائیکورٹ کے چیف جسٹس عامر فاروق نے تحریری حکمنامہ جاری کرتے ہوئے رجسٹرار آفس کو تمام متعلقہ درخواستوں کو یکجا کر کے سماعت کے لیے مقرر کرنے کا حکم دیا ہے۔
حکمنامہ میں کہا گیا ہے کہ درخواست گزار کے وکیل نے جج کو متعصب قرار دے کر کیس منتقل کرنے کی استدعا کی، ٹرائل کورٹ کے جج سے منسوب فیس بک پوسٹیں عدالت کو دکھائی گئیں۔
بتایا گیا ہے کہ ٹرائل کورٹ کے جج نے فیس بک پوسٹوں کو تسلیم کرنے سے انکارکیا، رجسٹرارآفس فیس بک پوسٹوں کا معاملہ ایف آئی اے سائبر کرائم ونگ کوبھیجے، عدالت نے کہا کہ ایف آئی اے تحقیق کر کے آئندہ سماعت سے پہلے اپنی رپورٹ جمع کرائے، الیکشن کمیشن بھی اس معاملے پر آئندہ سماعت پرعدالتی معاونت کرے۔
حکمنامہ میں مزید کہا گیا کہ درخواست گزار وکیل کے مطابق کارروائی آگے بڑھانے سے پہلے دائرہ اختیار کا فیصلہ ہونا چاہیے، عدالت کے مطابق وکیل نے کہا کہ طے شدہ قانون ہے دائرہ اختیار طے کیے بغیر کارروائی آگے نہیں بڑھائی جا سکتی۔
اسلام آباد ہائیکورٹ نے کہا کہ کیس کے دائرہ اختیار سے متعلق یہ عدالتی کارروائی کا دوسرا راؤنڈ ہے، اسلام آباد ہائیکورٹ کیس قابل سماعت قرار دینے کے خلاف اپیل پہلےمنظور کر چکی ہے۔
حکمنامہ کے مطابق ہائیکورٹ نے اپیل منظور کر کے ٹرائل کورٹ کو دوبارہ درخواست پر فیصلے کا حکم دیا، ٹرائل کورٹ نے چیئرمین پی ٹی آئی کی درخواست دوبارہ مسترد کردی
