سویلینز کے ملٹری کورٹس میں ٹرائل سے متعلق سپریم کورٹ کی 23 جون کی سماعت کا تحریری حکم جاری کردیا گیا، جس میں جسٹس یحییٰ آفریدی کا اضافی نوٹ بھی شامل ہے۔
اپنے اضافی نوٹ میں جسٹس یحییٰ آفریدی نے کہا کہ عدالتی نظام کا انحصار عوامی اعتماد پر ہے،
فل کورٹ بنا کر سویلینز ٹرائل سے متعلق درخواستوں پر سماعت کی جائے۔
انہوں نے اپنے نوٹ میں لکھا کہ عدالت میں ہم آہنگی، سالمیت،عوامی اعتماد کیلئے فل کورٹ تشکیل دیا جائے، جسٹس قاضی فائز کے بینچ پر اعتراضات سے نہ اختلاف کرتا ہوں نہ ہی اتفاق۔
جسٹس یحییٰ آفریدی نے نوٹ میں لکھا ہے کہ سینئر ترین جج کا نوٹ پبلک ہوچکا ہے، عدالتی کارروائی کے مرحلے پر سینئرترین جج کے اعتراضات پر کچھ نہیں کہنا چاہتا۔
حکومتی وزراء مدت پوری کرنے جبکہ عوام الیکشن کی تیاری کررہے ہیں، موجودہ سیاسی ماحول میں بینچ کے حوالے سے ہونے والی سیاسی باتیں دلچسپ ہیں، سنجیدہ بات یہ ہے کہ بینچ کی تشکیل پر ممبران کو ہی اعتراض ہے۔
چیف جسٹس کو بینچ کی دوبارہ تشکیل پر غور کرنا چاہیے، سویلینز کے فوجی عدالتوں میں ٹرائل کے مقدمات فل کورٹ بھجوائے جائیں، نظام عدل کی ساکھ کی عمارت عوامی اعتماد پر کھڑی ہے، ایک سینئر جج کے اعتراض پر اس وقت مناسب نہیں کہ میں رائے دوں
