رجسٹرار سپریم کورٹ آف پاکستان نے تحریک انصاف کی نگراں وزیراعلیٰ پنجاب محسن نقوی کے خلاف درخواست پر اعتراضات لگا دیے۔
پی ٹی آئی نے نگراں وزیراعلیٰ پنجاب کی تعیناتی کو چیلنج کیا تھا، رجسٹرار عدالت عظمیٰ نے درخواست اعتراضات لگا کر واپس کردی۔
رجسٹرار آفس نے محسن نقوی کے خلاف پی ٹی آئی کی درخواست پر اعتراضات میں کہا گیا کہ درخواست گزار کی جانب سے عوامی اہمیت اور بنیادی حقوق کے کسی معاملے کی نشاندہی نہیں کی گئی۔ درخواست گزار نے متعلقہ فورم سے رجوع نہیں کیا، اسد عمر نے درخواست میں پارٹی کے سیکرٹری جنرل ہونے کا کوئی ثبوت نہیں دیا۔ آرٹیکل 248 کے تحت وزیراعلیٰ کو فریق نہیں بنایا جاسکتا۔
رجسٹرار آفس نے اعتراض کیا کہ پی ٹی آئی کی درخواست میں غیر مناسب الفاظ کا استعمال کیا گیا ہے۔
