تحریکِ انصاف کے رہنما ، سابق وزیرِ اطلاعات فواد چوہدری نے رانا ثناء اللّٰہ کے بیان پر ردِعمل دیتے ہوئے کہا ہے کہ رانا صاحب! آپ تھانہ کوہسار کے ایس ایچ او ہیں، اس سے زیادہ آپ کی حیثیت نہیں ہے ۔
ٹوئٹر پر جاری کیے گئے بیان میں انہوں نے رانا ثناء اللّٰہ سے مخاطب ہو کر کہا ہے کہ اپنی اوقات کے مطابق بات کیا کریں ۔
رانا صاحب اپنی اوقات کے مطابق بات کیا کریں، آپ تھانہ کوہسار کے SHO ہیں اس سے زیادہ آپ کی حیثیت نہیں یہ نہ ہو لینے کے دینے پڑ جائیں، بہادر آپ اتنے ہیں جب سے حکومت تبدیلُ ہوئ آپ فیصل آباد نہیں گئے بہرحال احتیاط اچھی چیز ہے:) https://t.co/dzAvH7W49a
— Ch Fawad Hussain (@fawadchaudhry) August 7, 2022
فواد چوہدری کا وزیرِ داخلہ سے کہنا ہے کہ یہ نہ ہو کہ آپ کو لینے کے دینے پڑ جائیں۔ بہادر آپ اتنے ہیں کہ جب سے حکومت تبدیل ہوئی ہے، آپ فیصل آباد نہیں گئے، احتیاط اچھی چیز ہے۔
واضح رہے کہ وفاقی وزیر داخلہ رانا ثناء اللّٰہ نے کہا تھا کہ عمران خان پوری قوم کے سامنے ایکسپوز ہوچکے، یہ اب اس سے بچنا چاہتے ہیں۔انہوں نے کہا کہ پی ٹی آئی کے اکاؤنٹس میں پیسے غیر قانونی طریقے سے آئے، ان کے عہدے داروں کے کالے کرتوت ان اکاؤنٹس میں چھپے ہیں، تحقیقات میں تعاون نہ کیا تو قانون گرفتاری کی اجازت دیتا ہے۔
