کامن ویلتھ گیمز کی 200 میٹر ریس میں پاکستان کے شجر عباس نے سیمی فائنل کیلئے کوالیفائی کرلیا، اپنی ہیٹ میں شجر نے گزشتہ سال کے جونیئر ورلڈ چیمپئن کو بھی پیچھے چھوڑ دیا، سیمی فائنل ریس کل ہوگی۔
پاکستان کے نوجوان اسپرنٹر شجر عباس 200 میٹر کی ہیٹ ٹو میں شریک تھے۔ انہوں نے گزشتہ برس کے ورلڈ انڈر 20 ایتھلیٹکس چیمپئن شپ کے گولڈ میڈلسٹ نائیجیریا کے اڈوڈی اونوز ریکی کو پیچھے چھوڑ کر پہلی پوزیشن حاصل کی۔
لاہور۔ کامن ویلتھ گیمز ایتھلیٹکس 200 میٹرریس میں پاکستان کے شجرعباس پہلی پوزیشن حاصل کرکے سیمی فائنل میں پہنچ گئے
کامن ویلتھ گیمز میں تیس سال بعد کسی پاکستانی ایتھلیٹ نے سیمی فائنل کیلئے کوالیفائی کیا ہے
شجر عباس نے 200 میٹر کافاصلہ 21 اعشاریہ 12 سیکنڈ میں مکمل کیا pic.twitter.com/UUpxCbHPIE
— Ghazanfar Abbas (@ghazanfarabbass) August 4, 2022
شجر نے مقرر فاصلہ 21.12 سیکنڈز میں طے کیا اور سیمی فائنل تک رسائی حاصل کی۔ مجموعی طور پر وہ ٹائمنگ کے اعتبار سے 58 ایتھلیٹس میں 12 ویں نمبر پر رہے۔ شجر کی 200 میٹر میں پرسنل بیسٹ 20.87 ہے۔
24 کھلاڑیوں کے درمیان تین سیمی فائنل ریسیں جمعے کی رات 11 بجے ہوں گی جس کے بعد 8 کھلاڑی فائنل کیلئے کوالیفائی کریں گے۔
شجر عباس نے سیمی فائنل کے لیے قوم سے اپیل ہے کہ ان کیلئے دعا کریں۔