سیلاب زدگان کی امداد میں مصروف پاک آرمی کے ہیلی کاپٹر کے لاپتا ہونے پر صدر مملکت عارف علوی، وزیراعظم شہباز شریف ، عمران خان اور دیگر سیاسی شخصیات نے تشویش کا اظہار کیا ہے۔
صدر مملکت نے کمانڈر 12 کور اور دیگر سوار فوجی افسران کی حفاظت کی دعا کی ہے۔
صدر مملکت ڈاکٹر عارف علوی کی جانب سے بلوچستان کے علاقے لسبیلہ میں سیلاب سے متعلق امدادی کارروائیوں پر مامور پاک فوج کے ہیلی کاپٹر کے لاپتہ ہونے پر گہری تشویش کا اظہار۔
صدر مملکت کی کمانڈر 12 کور اور دیگر سوار فوجی افسران کی حفاظت کی دعا،
— The President of Pakistan (@PresOfPakistan) August 1, 2022
بلوچستان سے آرمی ایوی ایشن کے ہیلی کاپٹر کی گمشدگی تشویشناک ہے۔ پوری قوم اللہ تعالیٰ کے حضور سیلاب متاثرین کی مدد پر نکلنے والے وطن کے ان بیٹوں کی سلامتی، حفاظت اور بخیریت واپسی کے لئے دعا گو ہے۔ ان شاءاللہ
— Shehbaz Sharif (@CMShehbaz) August 1, 2022
وزیراعظم شہباز شریف نے اپنے بیان میں کہا کہپوری قوم سیلاب متاثرین کی مدد پر نکلنے والے وطن کے ان بیٹوں کی سلامتی کے لیے دعاگو ہے۔
آرمی ایوی ایشن کے ہیلی کاپٹر کی گمشدگی گی اطلاع پریشان کن ہے اور میں اس میں سوار تمام افراد کیلئے دعاگو ہوں۔
— Imran Khan (@ImranKhanPTI) August 1, 2022
سپیکر قومی اسمبلی راجہ پرویز اشرف، وزیر داخلہ رانا ثنا اللہ، وزیر خارجہ بلاول بھٹو زرداری اور حمزہ شہباز نے آرمی ہیلی کاپٹر کے لاپتا ہونے پر تشویش کا اظہار کیا۔
وزیراعلیٰ پنجاب پرویز الٰہی، وزیراعلیٰ سندھ مراد علی شاہ، گورنر بلوچستان جان محمد جمالی نے بھی آرمی ہیلی کاپٹر کے لاپتا ہونے پر تشویش کا اظہار کرتے ہوئے ہیلی کاپٹرمیں سوار وطن کے بیٹوں کی سلامتی کے لیے دعائیں کی۔
واضح رہے کہ پاکستان آرمی کا ہیلی کاپٹر بلوچستان میں لاپتہ ہوگیا ہے، ہیلی کاپٹر میں کور کمانڈر کوئٹہ لیفٹیننٹ جنرل سرفراز علی سمیت 6 افسران سوار ہیں۔