بجلی صارفین کیلئے بری خبر آگئی، مہنگائی کی چکی میں پسنے والے عوام کو بجلی کے ریٹ میں اضافے کا ایک اور جھٹکا لگایا جائے گا۔
اس حوالے سے ذرائع کا کہنا ہے کہ بجلی 11 روپے 39 پیسے فی یونٹ تک مزید مہنگی ہونے کا امکان ہے، نیپرا اتھارٹی دونوں درخواستوں پر آج سماعت کرے گی۔
ذرائع کے مطابق سرکاری تقسیم کارکمپنیوں کے صارفین کے لیے بجلی 9.90روپے مہنگی ہونے کا امکان ہے جبکہ کراچی کے صارفین کے لیے بجلی میں11 روپے 39 پیسے فی یونٹ اضافہ کی درخواست کی گئی ہے۔
مذکورہ اضافہ جون کی ماہانہ فیول ایڈجسٹمنٹ کی مد میں مانگا گیا ہے، جون میں فرنس آئل سے 10.48 فیصد مہنگی ترین بجلی پیدا کی گئی۔
سی پی پی اے ذرائع کا کہنا ہے کہ فرنس آئل سے پیدا بجلی کی لاگت 36 روپے 20 پیسے فی یونٹ رہی۔
