تازہ ترینخبریںدنیا سے

بھارت میں مسلم روحانی پیشوا قتل

پڑوسی ملک بھارت میں 35 سالہ مسلم روحانی پیشوا کو گولی مار کر قتل کر دیا گیا۔

بھارتی میڈیا رپورٹ کے مطابق افغانستان سے تعلق رکھنے والے 35 سالہ مسلمان روحانی پیشوا خواجہ سید چشتی جو مقامی طور پر ’صوفی بابا‘ کے نام سے مشہور تھے، اُنہیں آج مہاراشٹر میں گولی مار کر قتل کیا گیا ہے۔

پولیس نے بتایا ہے کہ خواجہ سید چشتی کے سر میں گولی لگی اور وہ موقع پر ہی دم توڑ گئے جبکہ قاتل فرار ہونے میں کامیاب ہو گئے۔

رپورٹ میں بتایا گیا ہے کہ خواجہ سید چشتی کا ڈرائیور اُن کے قتل کا مرکزی ملزم ہے۔

پولیس نے بتایا ہے کہ خواجہ سید چشتی کے ڈرائیور کا نام گواہوں نے بتایا ہے، اس حوالے سے تفتیش کی جا رہی ہے۔

بھارتی میڈیا کے مطابق پولیس کی جانب سے دعویٰ کیا جا رہا ہے کہ سید چشتی کو پلاٹ کے تنازع پر قتل کیا گیا ہے، وہ افغانستان کا شہری ہونے کی وجہ سے بھارت میں زمین نہیں خرید سکتے تھے۔

پولیس نے یہ بھی بتایا ہے کہ خواجہ سید چشتی کا قتل ایک کُھلے پلاٹ میں ہوا۔

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Back to top button