لاہور (خالد منصور سے) یسویں صدی کے غالب قرار دیے جانے والے جدید نظم کے بے بدل شاعر اختر حسین جعفری 15 اگست 1932 کو گجرات میں پیدا ہوئے ۔ تعلیمی مدارج اعزاز کے ساتھ طے کیے اور محکمہ کسٹمز میں ملازمت اختیار کی ۔
شاعری کی ابتدا اوائل عمری سے ہی کی اور اپنے جداگانہ اسلوب کی وجہ سے شعر و ادب کے حلقوں میں بلند مقام پایا ۔ اردو شاعری کی صدسالہ روایات کے تناظر میں شاید ہی کوئی شاعر ، ہم عصر شعرا سے اس انتہا تک مختلف اور منفرد ہوگا جیسے اخترحسین جعفری ۔
ان کا پہلا شعری مجموعہ ” آٸینہ خانہ “ کے نام سے 1981 میں شائع ہوا تو ” آدم جی ایوارڈ “اور” پاکستان راٸیٹرز گلڈ ایوارڈ ” کا حقدار ٹھہرا جبکہ ”جہاں دریا اترتا ہے“ کہ عنوان سے دوسری کتاب ان کی وفات کے بعد اشاعت پذیر ہوئی ۔ اختر حسین جعفری اپنی روشن خیالی اور انسان دوستی کے حوالے سے آمریت اور فسطاٸیت کے بغیرمشروط دشمن رہے اور انسانی فکر و نظر کی آزادی انہیں ہمیشہ عزیز رہی ۔
اردو نظم کی آبرو اخترحسین جعفری 3 جون 1992 کو لاہور میں انتقال کرگئے ۔
حکومت پاکستان نے 2003 میں انہیں صدارتی تمغہ برائے حسن کارکردگی سے سرفراز کیا اور اسی سال ان کی شاعری کے کلیات بھی اشاعت پذیر ہوئے۔
