تازہ ترینجرم کہانیخبریںخواتین

پسند کی شادی کرنے والی نمرہ کاظمی عدالت میں پیش، عمر کے تعین کیلئے ٹیسٹ کرانے کا حکم

پسند کی شادی کرنے والی نمرہ کاظمی کو عدالت میں پیش کردیا گیا ، جس پر عدالت نےعمر کے تعین کے لیے لڑکی کا میڈیکل ٹیسٹ کرانے کا حکم دے دیا۔

تفصیلات کے مطابق سندھ ہائیکورٹ میں نمرہ کاظمی بازیابی کیس کی سماعت ہوئی ، آئی جی سندھ کامران فضل،ایڈیشنل آئی جی کراچی غلام نبی عدالت میں پیش ہوئے جبکہ نمرہ کاظمی کو بھی عدالت میں پیش کیا گیا۔

جسٹس اقبال کلہوڑو نے نمرہ کاظمی نے استفسار کیا آپ کی کیاعمرہے، کس کلاس میں پڑھتی ہیں، جس پر نمرہ کاظمی نے بتایا کہ میں میٹرک کی طالبہ ہوں،میری عمر 18سال ہے۔

جسٹس اقبال کلہوڑو نے کہا کہ آپ کی عمر پھر 18سال سے تو کم ہوگی کیونکہ اس کلاس میں تو اتنی عمر نہیں ہوتی، جس پر نمرہ کاظمی کا کہنا تھا کہ میری عمر کم لکھوائی گئی ہے پڑھائی کی وجہ سے ، میری عمر18سال ہے، میرا ٹیسٹ کرایا جائے۔

جسٹس اقبال کلہوڑو کا کہنا تھا کہ سندھ میں قانون ہے 18سال سےکم عمرلڑکی شادی نہیں کرسکتی، عدالت نے درخواست گزار وکیل سے استفسار کیا لڑکی کی عمر کےحوالے سے دستاویز ہیں۔

عدالت نے نمرہ کاظمی کا میڈیکل ٹیسٹ کرانے اور پناہ شیلٹر ہوم بھیجنے کا حکم دے دیا ، جسٹس اقبال کلہوڑو نے کہا آپ کی عمر 18سال ہوئی تو شوہر کیساتھ جانے دیں گے۔

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Back to top button