اب پٹرول پر فی لیٹر سبسڈی کتنی رہ گئی؟

پٹرولیم مصنوعات کی قیمتوں میں اضافے کے بعد سبسڈی کمی کا نوٹیفکیشن جاری ہو گیا۔

تفصیلات کے مطابق پٹرولیم ڈویژن کی جانب سے جاری نوٹیفکیشن میں کہا گیا ہے کہ پٹرول پر فی لیٹر سبسڈی 17 روپے 2 پیسے رہ گئی ہے۔

نوٹیفکیشن کے مطابق پٹرول پر فی لیٹر سبسڈی 47 روپے 2 پیسے تھی، آئی ایم ایف کے کہنے پر 30 روپے فی لیٹر سبسڈی واپس لیے جانے کے بعد اب صرف سترہ روپے دو پیسے رہ گئی۔

ڈیزل پر حکومت کی جانب سے سبسڈی 86 روپے 71 پیسے فی لیٹر تھی، جو اب 56 روپے 71 پیسے رہ گئی، آئی ایم ایف کے کہنے پر حکومت نے ڈیزل پر 30 روپے سبسڈی واپس لی۔

مٹی کے تیل پر سبسڈی 51 روپے 83 پیسے تھی، نوٹیفکیشن کے مطابق تیس روپے واپس لیے جانے پر اب مٹی کے تیل پر سبسڈی 21 روپے 83 پیسے رہ گئی ہے۔

لائٹ ڈیزل آئل پر فی لیٹر سبسڈی 67 روپے 84 پیسے تھی، اب لائٹ ڈیزل آئل پر سبسڈی 37 روپے 84 پیسے فی لیٹر پر آ گئی۔

واضح رہے کہ حکومت پاکستان نے آئی ایم ایف کے آگے ڈھیر ہو کر پٹرول اور ڈیزل 30 روپے فی لیٹر مہنگا کر دیا ہے، لائٹ ڈیزل اور مٹی کے تیل کی قیمت میں بھی تیس روپے اضافہ کیا گیا۔

وزیر خزانہ مفتاح اسماعیل کہتے ہیں کہ پٹرولیم مصنوعات کی قیمتیں بڑھائے بغیر آئی ایم ایف سے قرضہ نہیں مل سکتا، معاشی صورت حال کے پیش نظر وزیر اعظم نے مشکل فیصلہ کیا۔