تازہ ترینخبریںفن اور فنکار

وقت نے ایک بار پھر سجل علی کو "دلہن” بنا دیا

گزشتہ دنوں اپنی ازدواجی زندگی کو ختم کرنے والی پاکستان شوبز کی خوبرو اداکارہ سجل علی ایک بار پھر "دلہن” بن گئیں۔

اداکار احد رضا میر سےعلیحدگی اختیار کرنے والی ہر دلعزیز اداکارہ سجل علی کی تصاویر سوشل میڈیا پر وائرل ہوگئی ہیں جسے صارفین بے حد پسند کررہے ہیں۔

اس بار انہوں نے دلہن کا لباس کسی شادی کی وجہ سے نہیں بلکہ ضرورت کے تحت زیب تن کیا ہے، یہ تصاویر سوشل میڈیا سائٹ انسٹاگرام پر پوسٹ کی گئی ہیں۔

اداکارہ سجل علی کے نئے برائیڈل شوٹ کی تصاویر سوشل میڈیا پر پوسٹ کی گئی ہیں جس نے مداحوں کے دل جیت لیے ہیں۔

وائرل تصاویر میں دیکھا جاسکتا ہے کہ سجل علی نے ہلکے رنگ کا خوبصورت لباس زیب تن کیا ہوا ہے جس پر گولڈن رنگ کا کام ہوا ہے۔

اداکارہ نے اس لباس کے ساتھ گولڈن رنگ کی روایتی جیولری کا انتخاب کیا ہے اور ساتھ ہی ہاتھوں پر مہندی بھی لگائی ہوئی ہے۔

سجل علی برائیڈل لک میں بے حد خوبصورت لگ رہی ہیں جسے مداحوں کی جانب سے بھی بہت پسند کیا جارہا ہے۔ یاد رہے کہ احد رضا میر سے علیحدگی کے بعد سجل علی کا یہ پہلا برائیڈل شوٹ ہے۔

شوبز انڈسٹری سے تعلق رکھنے والے صحافیوں کا احد اور سجل کی طلاق سے متعلق بتانا تھا کہ اس جوڑی کے درمیان طلاق احد رضا میر کی جانب سے اختیار کیے گئے لاپرواہی کے رویے اور متعدد معاشقوں کے سبب ہوئی ہے۔

جواب دیں

آپ کا ای میل ایڈریس شائع نہیں کیا جائے گا۔

Back to top button