پی ٹی آئی کے حقیقی آزادی مارچ سے قبل کارکنوں اور رہنماؤں کے خلاف کریک ڈاؤن میں پولیس نے علامہ اقبال کی بہو اور پوتے کی رہائش گاہوں پر بھی چھاپے مارے۔
تفصیلات کے مطابق لاہور میں علامہ اقبال کی بہو جسٹس ریٹائرڈ ناصرہ جاوید اقبال اور ان کے پوتے سینیٹر ولید اقبال کی رہائش گاہوں پر بھی پولیس نے چھاپے مارے۔
آزادی مارچ کو ناکام بنانے کی ناکام کوشش کرتے ہوئے پولیس سینیٹر اعجاز چوہدری، میاں محمود الرشید، مسرت جمشید چیمہ، اور مراد راس کے گھروں پر بھی پہنچی، سیالکوٹ میں عثمان ڈار کے گھر پر پولیس کا چھاپا پڑا۔
اسلام آباد میں اسد عمر اور بابر اعوان کے گھروں پر پولیس نے چھاپے مارے، شیخ رشید کے گھر لال حویلی پر بھی پولیس نے چھاپا مارا، درجنوں اہل کار لال حویلی میں داخل ہو گئے، شیخ رشید نے ویڈیو پیغام میں کہا میں گھبرانے والا نہیں، 25 مئی کو اسلام آباد پہنچوں گا
