تازہ ترینخبریںدلچسپ و حیرت انگیز

سکول میں کیمسٹری پڑھانے والی شام کو گداگری کرتی رہی

عدالت نے معلم جیسے مقدس پیشے کو بدنام کرنے والی خاتون کو سخت ترین سزا سنادی ہے۔

کویت میں خفیہ محکمہ کی ٹیم نے عرب ملک سے تعلق رکھنے والے ایک خاتون کو گداگری کرتے ہوئے گرفتار کیا ہے۔

عاجل نیوز نے کویتی ذرائع ابلاغ کے حوالے سے بتایا کہ کویتی محکمہ خفیہ کو اطلاع ملی تھی کہ معروف علاقے میں ایک ایسی خاتون کو دیکھا گیا ہے جو مشکوک قسم کا برقع پہننے گداگری کے دھندے میں مصروف ہے۔

محکمے کی خفیہ کی ٹیموں نے اطلاع ملنے کے بعد خاتون کی کڑی نگرانی جاری رکھی جب اس بات کا یقین ہوگیا کہ خاتون مخصوص مقام پر روزانہ گداگری کرنے آتی ہے تو اسے پیشہ ورگداگر قرار دیتے ہوئے حراست میں لیا اور محکمہ انسداد گداگری کے حوالے کیا۔

محکمہ انسداد گداگری حکام اس وقت حیرت زدہ ہوئے جب تفتیش کے دوران انکشاف ہوا کہ یہ پیشہ ور گداگر خاتون کوئی عام عورت نہیں بلکہ ایک مقامی اسکول میں کیمسٹری کی ٹیچر ہیں جو گذشتہ اٹھارہ برس سے یہ ایک اسکول سے منسلک ہیں اور گرفتاری کے وقت تک برسرروزگار بھی تھی۔

مزید تفتیش میں معلوم ہوا کہ خاتون کا شوہر بھی اسکول میں ٹیچر کے طور پر برسوں سے خدمات انجام دے رہا ہے جبکہ ان کے بچے بھی کویت کے سرکاری اسکولوں میں تعلیم حاصل کررہے ہیں۔

محکمہ انسداد گداگری نے خاتون اور اس کے شوہر کے خلاف مقدمہ دائر کرکےعدالت میں بھیج دیا جہاں سے انہیں ملک بدری کی سزا سنا دی گئی۔

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Back to top button