تازہ ترینخبریں

سندھ میں امتحانات مذاق بن کر رہ گئے، پیپرز واٹس گروپ پر آؤٹ

کراچی سمیت سندھ بھر میں میٹرک کے امتحانات واٹس گروپ پر قبل از وقت آؤٹ ہونے لگے تاہم متعلقہ بورڈ کی جانب سے کوئی خاطر خواہ اقدامات نہ کئے جاسکے۔

میٹرک کے پرچے انتظامیہ کے کنٹرول سے باہر ہوگئے، کراچی سمیت سندھ بھر میں آج ہونے والے پرچے مقررہ وقت سے قبل ہی آؤٹ ہوکر واٹس گروپ پر شیئر ہوئے۔

خیرپور میں نویں جماعت کیمسٹری کا پرچہ واٹس ایپ گروپ کےذریعےآؤٹ ہوا، نواب شاہ میں بھی نویں جماعت کا بائیولوجی کاپرچہ قبل از وقت آؤٹ ہوکر مختلف سوشل میڈیا گروپس میں گردش کرتا رہا

دسویں جماعت سائنس گروپ کے اختیاری مضمون ریاضی کا پرچہ آج ہوا۔ شیڈول کے مطابق پرچہ ساڑھے نو بجے تھا تاہم پندرہ منٹ پہلے ہی آوٹ ہوگیا، تاہم میٹرک بورڈ پرچہ وقت پر شروع کرانے میں کامیاب ہوگیا۔

ادھر لاڑکانہ تعلیمی بورڈ کے زیر اہتمام آج نویں جماعت کے بائیولوجی کا پرچہ وقت سے پہلے آؤٹ ہوا اور فوٹو اسٹیٹ دکانوں پر دستیاب رہا جبکہ امتحانی مراکز میں موبائل فون کا کھلے عام استعمال جاری ہے، امتحانی مراکز کے اطراف دفعہ ایک سو چوالیس کا اطلاق ہوا ہوا۔

جواب دیں

آپ کا ای میل ایڈریس شائع نہیں کیا جائے گا۔

Back to top button