تازہ ترینحالات حاضرہخبریںروس یوکرائن جنگ

روس نے فرانس، اٹلی، اسپین کے 85 سفارتکاروں کو ملک بدر کردیا

روس نے جوابی اقدام کے طور پر فرانس، اٹلی اور اسپین کے 85 سفارتکاروں کو ملک بدر کردیا۔

فرانس نے سفیروں کی ملک بدری کی مذمت کی ہے، جبکہ اطالوی وزیراعظم نے روس کی جانب سے اطالوی سفارتکاروں کی ملک بدری کو دشمنی پر مبنی اقدام قرار دیا ہے۔

روسی وزارت خارجہ کے مطابق فرانس کے سفارتی عملے کے 34، اسپین کے 27 اور اٹلی کے 24 اہلکاروں کو ملک بدری کا حکم دیا گیا ہے۔

روس کے یوکرین پر حملے کے بعد سے فرانس، اٹلی اور اسپین مجموعی طور پر 300 سے زائد روسی سفارتکاروں کو اپنے اپنے ملک سے بے دخل کرچکے ہیں۔

ان ملک بدر کیے گئے سفارتکاروں سے متعلق زیادہ تر کیسز میں روسی سفارتکاروں پر جاسوسی کا الزام لگایا گیا تھا۔

جواب دیں

آپ کا ای میل ایڈریس شائع نہیں کیا جائے گا۔

Back to top button