پاکستان میں امریکا کے نامزد سفیر ڈونلڈ بلوم نے اپنے عہدے کا حلف لے لیا، وہ جلد اسلام آباد پہنچیں گے۔
اسٹیٹ ڈپارٹمنٹ کے مطابق امریکی سفیر ڈونلڈ بلوم اپنی ذمہ داریوں کی تکمیل کیلئے پر جوش ہیں۔ بلوم پاکستان کے ساتھ وسیع تر تعاون کو مضبوط کریں گے۔
اسٹیٹ ڈپارٹمنٹ کا کہنا ہے کہ دونوں ممالک مختلف شعبوں میں مضبوط شراکت داری چاہتے ہیں، صحت، تجارت، سرمایہ کاری اور صاف ماحول پر تعاون چاہتے ہیں۔
سفارتی ذرائع کے مطابق چار سال بعد امریکی سفیر اسلام آباد تعینات ہو رہے ہیں، ستمبر 2018 میں امریکا نے ناظم الامور پال جونز کو تعینات کیا تھا، پال جونزکی مدت مکمل ہونے کے بعد انجیلا ایگلر بطور ناظم الامور تعینات ہوئیں۔
