تازہ ترینخبریںفن اور فنکار

بالی وڈ میں کوئی اس لائق ہے ہی نہیں کہ جسے کھانا کھلائوں

بالی وڈ کی معروف اداکارہ کنگنا رناوت کا کہنا ہے کہ بالی وڈ میں کوئی اس لائق ہے ہی نہیں جسے گھر پر کھانے پر مدعو کروں۔

ایک یوٹیوب چینل سے بات چیت کرتے ہوئے کنگنا رناوت نے کہا کہ بالی وڈ میں کوئی ایسا نہیں جو میرا دوست بن سکے، انڈسٹری میں کوئی میرا دوست بننے کے لائق ہے ہی نہیں، اس کے لیے قابلیت چاہیے ہوتی ہے۔

کنگنا رناوت نے کہا کہ کسی کو گھر نہیں بلاؤ گی، ہاں اگر باہر ملاقات ہوگئی تو اور بات ہے لیکن گھر پر نہیں۔ اداکارہ نے کہا کہ جو لوگ میرے ساتھ کام کرتے ہیں انہیں بالی وڈ میں بائیکاٹ کا سامنا کرنا پڑتا ہے۔

کنگنا رناوت کو ہمیشہ سے یہی گلا رہا ہے کہ فلم نگری میں ان کا کوئی دوست نہیں ہے۔ کچھ روز قبل معروف اداکار سلمان خان نے کنگنا کی نئی آنے والی فلم ”دھاکڑ“ کا ٹریلر انسٹا گرام پر شیئر کیا اور اداکارہ کے لیے نیک خواہشات کا اظہار کیا۔

کنگنا رناوت نے ردعمل میں سلو میاں کا شکریہ ادا کیا اور انہیں ”سونے کے دل والا ہیرو“ کہا۔ فلم رواں ماہ 20 تاریخ کو سنیما گھروں میں ریلیز کی جائے گی۔

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Back to top button