اہم ترینتازہ ترینخبریںٹیکنالوجی

رواں سال کا پہلا مکمل چاند گرہن 16 مئی کو ہوگا

رواں سال کا پہلا مکمل چاند گرہن رواں ماہ 16 مئی بروز پیر کو دیکھا جائے گا جس کا امریکا اور یورپ دیگر حصوں میں مشاہدہ کیا جائے گا۔

محکمہ موسمیات کے مطابق رواں سال کے پہلے مکل چاند گرہن کا آغاز پاکستانی وقت کے مطابق صبح 6 بجکر 32 منٹ پر ہوگا لیکن پاکستان میں یہ نظارہ نہیں دیکھا جاسکے گا۔

محکمہ موسمیات کا کہنا ہے کہ مختلف ممالک میں پاکستانی وقت کے مطابق صبح 9 بجکر 13 منٹ پر چاند کو گرہن عروج پر ہوگا اور اس کا اختتام دوپہر 11 بجکر 51 منٹ پر ہوگا۔

چاند گرہن کا مشاہدہ پاکستان میں نہیں کیا جاسکے گا جبکہ امریکا، یورپ، افریقا اور ایشیا کے کچھ حصوں میں چاند گرہن دیکھا جاسکے گا۔

چاند گرہن

زمین کا وہ سایہ جو گردش کے دوران کرہ زمین کے چاند اور سورج کے درمیان آ جانے سے چاند کی سطح پر پڑتا ہے اور چاند تاریک نظر آنے لگتا ہے، اُسے چاند گرہن کہتے ہیں۔

چاند گرہن کی اقسام
مکمل چاند گرہن
جزوی چاند گرہن

چاند گرہن کبھی جزوی ہوتا ہے اور کبھی پورا کیونکہ یہ اس کی گردش پر منحصر ہوتا ہے، چونکہ زمین اور چاند دونوں سورج سے روشنی حاصل کرتے ہیں اس لیے زمین سورج کے گرد اپنے مقررہ مدار پر گھومتی ہے اور چاند زمین کے گرد اپنے مدار پر گھومتا ہے۔

چاند اور زمین کا سایہ سورج کے درمیان میں سال میں دوبار آتا ہے اور اس کا سایہ ایک دوسرے پر پڑتا ہے، چاند پر سایہ پڑتا ہے تو چاند گرہن اور سورج پر پڑتا ہے تو زمین پر سورج گرہن دکھائی دیتا ہے۔

جواب دیں

آپ کا ای میل ایڈریس شائع نہیں کیا جائے گا۔

Back to top button