وفاقی وزیر قانون اعظم نذیر تارڑ نے کہا ہے کہ کابینہ میں گورنر پنجاب کے معاملے پر بحث ہوئی ہے اور فیصلہ کیا گیا ہے کہ کسی قسم کی مداخلت کو قبول نہیں کیا جائے گا۔
وفاقی وزیر قانون اعظم نذیر تارڑ نے پریس کانفرنس کرتے ہوئے ہر چیز قانون اور آئین سے ہٹ کر کی جارہی ہے، آئین وقانون کی خلاف ورزیاں ہوئیں، اعلیٰ عدلیہ کے فیصلے جاری ہوئے، پنجاب کی صورتحال پر تمام اتحادی جماعتوں سے مشاورت کی ہے کہ اس حوالے سے کیا اقدامات کیے جاسکتے ہیں۔
وزیر قانون نے کہا کہ وفاقی کابینہ نے صدر مملکت کے کل کے فیصلے پر تحفظات کا اظہار کرتے ہوئے صدر اور گورنر پنجاب کے آئین سے متجاوز اقدامات کی مذمت کی اور وزیراعظم کی بھیجی گئی ایڈوائز منظور کی اور گورنر پنجاب کو ہٹانے کے فیصلے کی توثیق کردی۔
ان کا کہنا تھا کہ آئین پاکستان کے تحت حاکمیت اللہ تعالیٰ کی ہے اور کوئی آئینی عہدیدار اپنی حدود سے تجاوز نہ کرے اور اس حوالے سے کسی قسم کی مداخلت کو قبول نہیں کیا جائے گا
