لاہور، سرگودھا، فیصل آباد سمیت پنجاب کے مختلف شہروں میں ہیٹ ویو کا خدشہ ظاہر کیا گیا ہے۔
لاہور کا درجہ حرارت 40 ڈگری ہوگیا جبکہ آئندہ دنوں میں درجہ حرارت 45 ڈگری سینٹی گریڈ سے اوپر جانے کا امکان ہے۔
دوسری جانب وفاقی وزیر موسمیاتی تبدیلی شیری رحمٰن نے کہا ہے کہ لاہور میں آج ہیٹ ویو کا امکان ہے۔
انہوں نے مزید کہا کہ گلوبل وارمنگ سے نمٹنے کیلئے عالمی رہنماؤں کی جانب سے اقدامات کی ضرورت ہے، پاکستان میں ہمیں دوبارہ جنگلات اگانے ہوں گے۔
ان کا یہ بھی کہنا تھا کہ موسمیاتی تبدیلی کے حوالے سے شہریوں میں آگاہی پیدا کرنا ہوگی، موسمیاتی تبدیلی سے نمٹنے کیلئے آنے والی حکومتوں کو اس جانب توجہ مرکوز کرنا ہوگی۔
لاہور اور دیگر شہروں میں آج ہیٹ ویو کا امکان ہے۔ شہریو سے گزارش ہے کہ دن کے گرم ترین اوقات، دوپہر 1 بجے سے شام 4 بجے تک خود کو ڈھانپنے کی کوشش کریں۔ دھوپ میں جاتے وقت اپنے ساتھ پانی لے جائے اور باہر جاتے وقت سر کو ڈھانپے اور مکمل بازو والے کپڑے پہنے۔ pic.twitter.com/Alde4f0QnR
— SenatorSherryRehman (@sherryrehman) May 10, 2022
