امریکا میں مڈ ٹرم انتخابات کی تیاریاں جاری ہیں، پرائمری الیکشن کے نتائج بھی سامنے آ گئے۔
تفصیلات کے مطابق پرائمری الیکشن میں سابق صدر ڈونلڈ ٹرمپ کے حامی تمام ری پبلکن امیدوار کامیاب ہو گئے، ٹرمپ نے گزشتہ سال 8 نومبر کو الیکشن کے لیے 55 امیدواروں کو منتخب کیا تھا۔
امریکی میڈیا کے مطابق امریکا میں ٹرمپ کی مقبولیت میں بتدریج اضافہ ہو رہا ہے، ری پبلکن امیدوار حمایت کے حصول کے لیے کوشاں ہیں۔
ری پبلکنز اور ڈیموکریٹس کی جانب سے پرائمری الیکشن میں سینکڑوں امیدوار حصہ لے رہے ہیں، پرائمری الیکشن میں کامیاب امیدوار مڈ ٹرم الیکشن میں پارٹی ٹکٹ پر حصہ لے سکیں گے۔
خیال رہے کہ مڈ ٹرم الیکشن ایوان نمائندگان کی 435 اور سینیٹ کی 35 نشستوں پر ہوگا۔
