تازہ ترینجرم کہانیخبریںخواتین

میڈیکل کالج کی طالبہ نے پڑھائی کے دباؤ سے تنگ آکر خودکشی کرلی

میڈیکل کالج کی طالبہ زینب نے پڑھائی کے دباؤ سے تنگ آکر پنکھے سے لٹک کر خودکشی کرلی،زینب ڈی فارمیسی فرسٹ ایئرکی طلبہ تھی۔

تفصیلات کے مطابق پنجاب کے ضلع نارووال میں میڈیکل کی طالبہ نے گھرمیں خودکشی کرلی، پولیس نے بتایا کہ 18سالہ زینب نجی کالج میں ڈی فارمیسی فرسٹ ایئرکی طلبہ تھی۔

میڈیکل کالج کی طلبہ کی مبینہ خودکشی کے معاملے پر ڈی ایس پی شیخ الیاس نے بتایا کہ والدین کےمطابق بچی اکثرکہتی تھی کے تعلیم سخت ہے وہ نہیں کر پائے گی ، جس پر والدین اس کو کہتے تھے بیٹی کو آپ نے ہمارے لئے پڑھنا ہے۔

شیخ الیاس کا کہنا تھا کہ گزشتہ روزبچی نے پپپر دیا تھا جو ٹھیک نہیں ہوا ، ابتدائی رپورٹ کے مطابق بچی کا قتل نہیں ہوا خود کشی ہے تاہم حتمی میڈیکل رپورٹ آنے پر بتایا جائے گا۔

ڈی ایس پی کے مطابق بچی کے گلے پر پھندے کے نشان واضح دکھائی دیے ہیں۔

پولیس رپورٹ میں کہا گیا ہے کہ زینب نے میڈیکل کی پڑھائی نہایت مشکل کے باوجود والدین کے اصرار پر داخلہ لیا ، والدین نے60لاکھ روپےسیلف فنانس فیس جمع کرائی تھی۔

رپورٹ کے مطابق میڈیکل کالج کی طلبہ زینب نے مشکل پیپر اور ڈپریشن کے باعث خود کشی کی۔

جواب دیں

آپ کا ای میل ایڈریس شائع نہیں کیا جائے گا۔

Back to top button