کراچی کے باغ جناح میں آج ہونے والے پاکستان تحریک انصاف کے جلسے کی تیاریاں جاری ہیں۔
پنڈال میں کرسیاں لگادی گئیں جبکہ ساؤنڈ سسٹم لگایا جارہا ہے، جلسے کیلئے تیار اسٹیج کو دو حصوں میں تقسیم کیا گیا ہے۔
اسٹیج کا ایک حصہ قیادت جبکہ دوسرا حصہ ایم پی ایز کے لیے بنایا گیا ہے اور میڈیا کے افراد کیلئے الگ سے اسٹیج بنایا گیا ہے۔
پی ٹی آئی کے آج ہونے والے جلسے میں خواتین اور مردوں کے بیٹھنے کے الگ الگ انتظامات کیے گئے ہیں۔
جلسے سے چیئرمین تحریک انصاف عمران خان سمیت دیگر پارٹی رہنما خطاب کریں گے۔
