سیاہ کہنیوں یا گھٹنوں کے بارے میں کوئی نئی بات نہیں ہے، یہ بہت سے لوگوں کی جِلد کی ایک عام حالت ہے لیکن سوال یہ ہے کہ کیا یہ آپ کو پریشان کرتا ہے؟
ہم میں سے بہت سے لوگوں نے دیکھا کہ ہماری کہنیاں اور گھٹنے آس پاس کے حصے بازوؤں یا ٹانگوں کے مقابلے نسبتاً زیادہ سیاہ ہوتے ہیں۔ ہم میں سے زیادہ تر لوگ ہائپر پگمنٹیشن سے بہت بے چینی محسوس کرتے ہیں لیکن اس کے بارے میں کچھ کرنے سے پہلے، آپ کو ممکنہ وجوہات جاننے کی ضرورت ہے۔
اس حوالے سے ماہر امراض جِلد نے کہنیوں اور گھٹنوں کے سیاہ ہونے کی مختلف وجوہات پر روشنی ڈالی ہے۔
کہنیوں اور گھٹنوں کے سیاہ ہونے کی وجوہات یہ ہیں:
مستقل رگڑ:
بہت سے عوامل ہیں اور جِلد اور سطح کے درمیان مسلسل رگڑ آپ کی کہنیوں اور گھٹنوں کو سیاہ ہونے کا سبب بن سکتی ہے۔
تنگ لباس:
تنگ لباس آپ کی کہنیوں اور گھٹنوں کو بھی سیاہ بنا سکتے ہیں۔
جِلد کے مردہ خلیات یا گندگی کا بننا:
یہ واضح ہے کہ اگر آپ اپنے آپ کو صحیح طریقے سے صاف نہیں کرتے ہیں، تو گندگی وقت کے ساتھ ساتھ جِلد کو گہرا کر دیتی ہے۔ بعض اوقات، جِلد کے مردہ خلیات کا جمع ہونا بھی ایسا ہی کرتا ہے۔
سورج کی زائد روشنی:
اگر آپ سن اسکرین لگا کر اپنی جِلد کی مناسب دیکھ بھال نہیں کرتے ہیں، تو زیادہ سورج کی روشنی آپ کی جِلد کو نقصان پہنچا سکتی ہے جس سے یہ سیاہ ہو جاتی ہے۔
ذیابیطس:
ذیابیطس کے شکار بہت سے لوگ جِلد پر سیاہ دھبوں کا تجربہ کرتے ہیں اور خواتین میں ہارمونل تبدیلی کی وجہ سے بھی جِلد سیاہ ہوجاتی ہے۔
جن چیزوں سے بچنا ہے:
بلیچنگ کریم اور اسکربنگ کے استعمال سے پرہیز کریں:
بعض اوقات، بلیچنگ کریمیں بہت ری ایکٹیو ہوتی ہیں اور ہر کسی کی جِلد کے مطابق نہیں ہوتیں۔ جِلد کو رگڑنا بھی آپ کے جسم کے حساس بیرونی غلاف کو نقصان پہنچا سکتا ہے۔
میز پر ٹانگیں اور کہنیوں کو لگائے رکھنے سے گریز کریں:
کام کے دوران کہنیوں کو مسلسل میز پر رکھ کر رگڑ سے بچنے کی کوشش کریں۔
کہنی اور گھٹنے سیاہ ہیں تو کیا کریں؟
موئسچرائز:
آپ کو اپنی جِلد کی دیکھ بھال کے نظام میں موئسچرائزر کو لازمی پروڈکٹ کے طور پر شامل کرنا چاہیے، یہ آپ کی جِلد کو پرورش دیتا ہے اور اسے صحت مند رکھنے میں مدد کرتا ہے۔
پگمنٹ لائٹننگ کریمز کا استعمال کریں:
یہ پگمنٹ لائٹننگ کریم آپ کی رنگت کو نرم کرنے اور کسی حد تک ہائپر پگمنٹیشن سے چھٹکارا پانے میں مدد کرتی ہیں۔
