تازہ ترینخبریںکاروبار

ورلڈ بینک کی اقتصادی رپورٹ میں پاکستانی معیشت سے متعلق خوفناک انکشافات

ورلڈبینک کی اقتصادی رپورٹ نے پاکستانی معیشت سے متعلق خوفناک انکشافات کردئیے ہیں۔

تفصیلات کے مطابق ورلڈبینک نے اپنی اقتصادی رپورٹ جاری کردی ہے، رپورٹ میں پاکستان کے لئے خطرے کی گھنٹی ہے کہ سال دو ہزار بائیس میں اقتصادی ترقی کی شرح ایک فیصد کم کر کے چار اعشاریہ تین فیصد تک کردی گئی ہے۔

رپورٹ میں بتایا گیا ہے کہ دو ہزار تیئس میں یہ ترقی کی شرح مزید گر کر چار فیصد تک رہنے کا خدشہ ہے۔

ورلڈبینک کی اقتصادی رپورٹ میں تسلیم کیا گیا کہ بڑھتی ہوئی قیمتوں اور سیاسی چیلنجز نے عمران خان کی حکومت کو بجلی اور تیل میں ریلیف دینے پر مجبور کیا، جس سے بجٹ پر اضافی بوجھ پڑے گا اورآئی ایم ایف کے پروگرام کو بھی خطرہ ہوسکتا ہے۔

رپورٹ میں مزید کہا گیا کہ روس یوکرین تنازع سےجنوبی ایشیا کے ممالک میں اقتصادی ترقی کی شرح مزید سست ہوسکتی ہے۔

جواب دیں

آپ کا ای میل ایڈریس شائع نہیں کیا جائے گا۔

Back to top button